د پکتيا ولايت مرکز ګردیز ښار کې له یو شمېر خصوصي روغتیایي مرکزونو څخه نظارت ترسره شو
د پکتيا د عامې روغتیا رياست د څارنې او پلټنې امریت او روغتیایي قوانینو د بررسۍ عمومي مدیریت نظارتي تیم له لوري د یاد ولایت مرکز ګردیز ښار کې له یو شمېر خصوصي روغتیایي مرکزونو څخه نظارت ترسره شو، چې پایله کې یې یوه اکسری خونه، دوه روغتیایي کتنځایونه، درې لابراتوارونه او شپږ د غاښونو کتنځایونه له روغتیایي قوانینو څخه د سرغړونې او شفري نسخو ليکلو له امله وتړل شول.
دغه راز، د نظارت په بهیر کې اړوند مسولينو ته سپارښتنې وشوې، چې د عامې روغتیا وزارت د پالیسۍ او اصولو سره سم خلکو ته لازم خدمات وړاندې کړي.
