فراه کې د ۶۵۰زره افغانیو په لګښت د نري رنځ ناروغۍ څانګې لپاره د درملو د نوي جوړ شوي زیرمتون پرانیسته ترسره شوه
یاد زیرمتون د UNDP ادارې په مالي لګښت جوړ او ګټې اخیستنې ته وسپارل شو، چې د عامې روغتیا وزارت د ټاکل شویو معیارونو سره سم د درملو خوندي ساتنې، ښه مدیریت او پر وخت وېش لپاره په لازمو شرایطو برابر دی.
د فراه د عامې روغتیا رئیس، مولوي شیخ میر صدام د UNDP ادارې له مسؤلینو څخه مننه وکړه، دغه زیرمتون یې د درملو خوندي ساتنې برخه کې اغېزناک وباله او زیاته یې کړه، چې د خلکو د روغتیا خوندیتوب لپاره به خپلو هڅو ته دوام ورکړي.
