مولوي عبدالولي حقاني د حضرت بلال روغتون او کيور کلينيک څخه ليدنه وکړه
د عامې روغتيا وزارت د روغتيايي خدمتونو وړاندې کولو مرستيال، ښاغلي مولوي عبدالولي حقاني د تخنيکي پلاوي په ملتیا د حضرت بلال ۵۰ بستريز روغتون او کيور کلينيک څخه ليدنه وکړه
په دې ليدنه کې د روغتیايي خدمتونو وړاندې کولو مرستيال د يادو مرکزونو له بېلا بېلو څانګو د ليدنې تر څنګ د ناروغانو درملنې، خدمتونو د کيفيت او کاري بهير ارزونه وکړه.
سربېره پر دې، ښاغلي مرستیال د خدمتونو لا ښه والي په موخه روغتیايي کارکوونکو ته لازمې سپارښتنې تر سره او د روغتونونو له مسؤلینو او روغتيايي کارکوونکو یې وغوښتل، چې له ناروغانو سره ښه چلند وکړي او خپل مسلکي، او انساني مسؤليتونه په صداقت سره اداء کړي.
هغه ټينګار وکړ، چې د ناروغانو پر وړاندې هر ډول بې غوري او بې پروايي د منلو وړ نه ده او ټولو ته باید پر ټاکلي وخت اړین روغتيايي خدمات وړاندې شي.
