په بلخ ولایت کې د لومړي ځل لپاره د (Cystoscopy) خدمات پیل شول
د بلخ ولایت په ابو علي سینا حوزوي روغتون کې د لومړي ځل لپاره د سیستیسکوپي (Cystoscopy) ( د لېزر په واسطه د پښتورګو او یا مثانې څخه د ډبرو ویستلو) خدمات پیل شول.
د یادونې وړ ده، چې پخوا به د یاد ولایت اوسېدونکي د دا ډول عملیات لپاره له هېواده بهر او یا هم په کور دننه خصوصي روغتونونو ته تلل، چې له نېکمرغه اوس دا خدمات د بلخ په حوزوي روغتون کې پیل شول، چې له دې وروسته به د بلخ او شمال زون اوسېدونکو ته په ابو علي سینا حوزوي روغتون کې په وړیا ډول ترسره کېږي.
