په تخصصي او ثالثي روغتونونو کې د خدمتونو د لا ښه والي په موخه ناسته ترسره شوه
د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني په مشرۍ په تخصصي او ثالثي روغتونونو کې د خدمتونو د لا ښه والي په موخه ناسته ترسره شوه:
یاده ناسته کې د عامې روغتیا وزارت د روغتیايي خدمتونو وړاندې کولو مرستیال ښاغلي مولوي عبدالولي حقاني، د معالجوي طب لوی رئیس ډاکټر وحدت الکوزي او یو شمېر نورو مسؤلینو ګډون درلود، چې د تخصصي او ثالثي خدماتو د ښه والي، اړوندو مسؤلینو ترمنځ د لا زیاتې همغږۍ او د روغتیايي معلوماتي سیسټم اړوند بحث او خبرې ترسره شوې.
د روغتیايي خدمتونو وړاندې کولو مرستیال وویل، موږ ژمن یو چې په ټولو تخصصي او ثالثي روغتونونو کې خدمات لا معیاري کړو، ترڅو په کور دننه ټولو ناروغانو ته غوره روغتیايي خدمتونه وړاندې شي.
ښاغلي مرستیال دغه راز له اړوندو مسؤلینو څخه وغوښتل، چې خپلو مسؤلیتونو ته پاملرنه وکړي، ترڅو د ناروغانو ستونزو ته پر وخت رسېدنه وشي.
