په ننګرهار او لغمان کې د خوړو د تولید کارخونو څخه د خطرناکو کیمیاوي موادو راټولولو نظارت ترسره شو
د عامې روغتیا وزارت د خوړو او درملو معینیت د خوړو د تحلیل او سرویلانس آمریت ټیم د هېواد ختیځ زون ته په یوه رسمي سفر کې د ننګرهار او لغمان ولایتونو د خوړو او درملو له آمریتونو سره په همغږۍ، دغو ولایتونو کې د پاپړو او سیمیانو له ۱۲ تولیدي کارخونو څخه نظارت تر سره کړ.
د یاد نظارت پایله کې له کارخونو څخه یوه اندازه خطرناک کیمیاوي مواد، چې وړاندې د خوړو د تحلیل او سرویلانس آمریت د کارپوهانو له لوري په مرکز کې پېژندل شوي وو او کارول یې د خوړو په تولید کې خطرناک او د بېلابېلو ناروغیو لامل کېده، راټول او په اړه به یې اړوندو مسؤلینو ته لازمې سپارښتنې وشوې.
