ډاکټر عبدالقدوس بریالي د پولیو واکسین د روان کمپاین څارنې او لا ښه تطبیق په موخه هلمند ته سفر ترسره کړ
د عامې روغتیا وزارت د پولیو له منځه وړلو ملي بېړني عملیاتي مرکز رئیس، ډاکټر عبدالقدوس بریالي د پولیو واکسین د روان کمپاین څارنې او لا ښه تطبیق په موخه هلمند ته سفر ترسره کړ:
د یاد سفر په ترڅ کې ډاکټر عبدالقدوس بریالي د هلمند ولایت د نهر سراج ولسوالۍ د عامې روغتیا له مسؤل، د پولیو واکسین کمپاین له ټیمونو او نظارت کوونکو سره ولیدل؛ د ټیمونو د ژمنتیا او سخت کار ستاینه یې وکړه او هغوی یې وهڅول، چې د باکیفیته او اغېزمنو کمپاینونو تطبیق لپاره خپلې هڅې لا ډېرې کړي.
همدارنګه، ډاکټر عبدالقدوس بریالي وویل، د ټولو اړخونو نږدې همغږي کولای شي، د کار پر مهال شته ستونزې حل کړي.
موږ ژمن یو چې هر ماشوم ته ورسېږو او له پولیو پاک راتلونکی جوړ کړو.
