یو شمېر روغتیايي کارکوونکو ته د ټرینرانو لپاره ټریننګ (TOT) تر عنوان لاندې پنځه ورځنی روزنیز ټریننګ ترسره شو
د عامې روغتیا وزارت غیر ساري ناروغیو د کنټرول او وقایې ډیپارټمنټ له لوري د ټولنې په کچه یو شمېر روغتیايي کارکوونکو ته د ټرینرانو لپاره ټریننګ (TOT) تر عنوان لاندې پنځه ورځنی روزنیز ټریننګ ترسره شو.
په دې ټریننګ کې د ټولنې په کچه ۲۸ روغتیايي رضاکارانو ګډون کړی و، چې د مجربو استادانو له لوري یې د غیر ساري ناروغیو وقایې او کنټرول، عامه پوهاوي ورکولو، اړینو روغتیايي مشورو او روغتونونو او مراکزو ته په غیر ساري ناروغیو اخته کسانو راجع کولو برخو کې زده کړې ترلاسه کړې.
د غیر ساري ناروغیو وقایې او کنټرول مسؤل، ډاکټر محمد سمیع کریمي ورته روزنیز پروګرامونه د غیر ساری ناروغیو د وقایې او کنټرول برخه کې اغېزمن وبلل او له ګډونوالو یې وغوښتل، چې د یاد روزنیز پروګرام په ترڅ کې زده کړې موضوعات دې په روغتونونو او مراکزو کې له خپلو نورو همکارانو سره شریک کړي.
