د دوو مرکزي روغتونونو مسلکي کارکوونکو ته د فارمکوویجیلانس (د درملو د څارنې) سیسټم په اړه د عامه پوهاوي پروګرام ترسره شو

rasooli_admin
چهارشنبه ۱۴۰۵/۴/۱۰ - ۱۴:۲۱
MOPH

یاد پروګرام د عامې روغتیا وزارت د خوړو او درملو معینیت د څارنې او پلټنې ریاست اړوند د ویجیلانس آمریت له لوري د افغان سرې میاشتې مرکزي او د شهید سردار محمد داوود خان ۴۰۰ بستریز روغتونونو ډاکټرانو، نرسانو، قابلو او واکسیناتورانو ته ترسره شو، چې موخه یې د فارمکوویجیلانس سیستم په اړه د روغتیايي کارکوونکو د پوهاوي کچې لوړول، د درملو ناوړه اغېزو په اړه د راپور ورکولو فرهنګ پیاوړی کول، د درملو خوندیتوب ښه کول او ور څخه سمه ګټه اخیستل وو.

په دې پروګرام کې د ویجیلانس آمریت متخصصینو د فارمکوویجیلانس بنسټیزو مفاهیمو، د درملو ناوړه اغېزو او د درملنې د تېروتنو د راپور ورکولو اهمیت، د دغه سیسټم د پلي کېدو برخه کې د ننګونو او د لازمو معلوماتو د راپور ورکولو فورمو سم ډکولو لارو چارو په اړه معلومات وړاندې او د درملو د ناوړه اغېزو د راپور ورکولو فورمې او د حساسیت (الرژۍ) کارتونه یې روغتیايي کارکوونکو ته ووېشل.

د یادونې وړ ده، چې د فارمکوویجیلانس سیستم اغېزمن تطبیق د درملو د ناوړه اغېزو په پېژندنه، ارزونه او د هغوی د بیا تکرار په مخنیوي کې مهم رول لري او په هېواد کې د درملو او روغتیايي خدمتونو د خوندیتوب او کیفیت په تأمین کې اغېزناک تمامېږي.

تازه خبرونه

چهارشنبه ۱۴۰۵/۸/۶ - ۱۶:۲۴
Background image

د بارورۍ روغتیا د ستراتیژۍ بیاکتنې او تدوین په موخه د رهبرۍ او تخنیکي کمېټې غونډه ترسره شوه

یاده غونډه د عامې روغتیا وزارت د پلان او پاليسۍ لوی رئیس، ډاکټر سید رسول منګل په مشرۍ ترسره شوه، چې په کې د دغه وزارت يو شمېر مرکزي رئیسانو، د UNFPA، روغتیا نړیوال سازمان او UNICEF ادار. . .

چهارشنبه ۱۴۰۵/۸/۶ - ۹:۹
Background image

د کابل ښار پل خشتي سیمه کې د رضاکارانه وینې راټولولو کمپاین ترسره شو

د عامې روغتیا وزارت د وینې ملي بانک له لوري د کابل ښار پل خشتي سیمه کې د عامه پوهاوي او رضاکارانه وینې راټولولو کمپاین ترسره شو.

په دغه کمپاین کې له ۲۸ تنو هېوادوالو څخه ۱۴ زره سي‌ سي. . .

چهارشنبه ۱۴۰۵/۸/۶ - ۹:۲
Background image

د ولایتونو روغتیايي ناظمینو ته ۴۲۰ عرادې موټرسایکلونه پېرل کېږي

د عامې روغتیا وزارت په پام کې لري، چې په ولایتونو کې د روغتیايي خدمتونو د څارنې بهیر د لا پیاوړتیا او اړوندو چارو د اسانتیا په موخه د روغتیايي ناظمینو لپاره ۴۲۰ عرادې موټرسایکلونه وپېري. . .

BACK TO NEWS