د افغانستان ا.ا د عامې روغتیا وزیر، ښاغلي مولوي نور جلال جلالي ارزګان ولایت ته د سفر په ترڅ کې د چهارچينو ولسوالۍ عمومي روغتون د بنسټ ډبره کېښوده
په همدې موخه جوړو شویو مراسمو کې د عامې روغتیا وزیر او مل پلاوي، د ارزګان والي ښاغلي عبدالرحمن مسلم کندزي، د چهار چينو ولسوال، یو شمېر نورو مسؤلینو، قومي مشرانو او د سیمې اوسېدونکو ګډون کړی و.
د عامې روغتيا وزیر د دغه روغتون جوړېدل د يادې ولسوالۍ اوسېدونکو لپاره روغتيا برخه کې يو مهم ګام وباله او ويې ويل: د دې ډول پروژو پلي کېدل به لرو پرتو سیمو کې د روغتیايي خدمتونو کیفیت ښه او د خلکو روغتيايي اړتیاوو ته به پر وخت ځواب ووایي.
