د افغانستان د عامې روغتيا وزير او لوړ رتبه پلاوي د پکتيا حوزوي روغتون کې د زلزلې ځپلو هيوادوالو له ټپيانو سره له نږدې وليدل او دوۍ ته يې د هر ډول همکارۍ ډاډ ورکړ
د عامې روغتيا وزير د ناروغانو او د دوۍ د کورنۍ غړو له ليدلو وروسته د ځينې ناروغانو په اړه هدايت ورکړ تر څو د کابل مرکزي روغتونونو ته د لا ښې درملنې لپاره انتقال شي.
د عامې روغتيا وزارت له تيرې ورځې خپل ټول روغتيايي پرسونل سره په ګډه د ټپيانو او متاثره شويو هيوادوالو په مرسته بوخت دی ، دا چې يو لوی ناورين دی نړيوالې ادارې او مؤسسې بايد د بشري مرستو لپاره راوړاندې شي تر څو د زرګونو انسانانو د ژوند لومړنۍ اسانتياوې پوره شي.
