د افغانستان اسلامي امارت د عامې روغتيا وزير، ښاغلي ډاکټر قلندر عباد د پاکستان د روغتیا وزیر ډاکټر ندیم جان سره دوه اړخیزه لیدنه ترسره کړه
په دې لیدنه کې چی د پاکستان هېواد د کورنیو چارو وزارت معین ښاغلي دراني هم شتون درلود د افغان ډاکټرانو چې په یاد هېواد کې د تخصص برنامه بشپړوي، د افغان ناروغانو د ویزو د ستونزو د حل او همداراز د لوګر نایب امین الله خان روغتون، د محمد علي جناح روغتون او د نښتر د پښتورګو مرکز د درملو، طبي تجهیزاتو په اړه بحث او خبرې ترسره شوې.
په دې لیدنه کې همداراز تخصصي پروګرامونو ته په زیاته کچه د افغان ډاکټرانو د جذب او په دواړو هېوادونو کې د پولیو ناروغۍ د له منځه وړلو په برخه کی د لا زیاتې همغږۍ او د پولیو د له منځه وړلو اړوند د یوې واحدې پالیسۍ پر څرنګوالي او اړتیا خبرې ترسره شوې.
