اتاترک د ماشومانو د درملنې روغتون کې د درې پروژو پرانیسته ترسره شوه
![Ataturk](/sites/default/files/2024-01/whatsapp_image_2024-01-30_at_5.07.11_pm.jpeg)
په د غه پروژو کې د اکسیجن مرکزي سیستم، ایکوکاردیوګرافي ماشین او لس کارډیک منیټورینګ ماشینونه شامل وو، چې په همدې موخه جوړو شوو مراسمو کې د عامې روغتیا وزارت د روغتیايي خدمتونو وړاندې کولو مرستیال، الحاج مولوي حبیب الله اخندزاده حامد، د نړیوالو اړیکو رئیس، مولوي محمد داوود منصوري، د افغانستان لپاره د ترکیې هېواد سفیر، جِنک اونال او ګڼ شمېر روغتیا پالانو ګډون کړی و.
د عامې روغتیا وزارت د روغتیايي خدمتونو وړاندې کولو مرستیال، الحاج مولوي حبیب الله اخندزاده حامد د افغانستان او د ترکیې هېواد اړیکې ډېرې اړینې وګڼلې او په افغانستان کې یې د دې هېواد د سفیر، جِنک اونال فعالیتونه وستایل او ډاډ یې ورکړ، چې افغانستان د تل په څېر د یاد هېواد سره ښو او دوامداره اړیکو ته ژمن دی.
په افغانستان کې د ترکیې هېواد سفیر، جِنک اونال په روغتیايي برخه کې د مرستې ترسره کول ستر عبادت یاد کړ او زیاته یې کړه، چې مونږ د یو مسلمان ورور هېواد په توګه له افغانستان سره د نورو پراختیايي برخو ترڅنګ د روغتیا په برخه کې هم د همکار یو ژمنه کوو، چې په راتلونکي کې به هم په ورته برخو کې خپلو مرستو ته دوام ورکړو.