ښاغلی محمد ظاهر ظهیر د عامې روغتیا وزارت د عامه مشارکت ریاست د رئیس په توګه وټاکل شو
د افغانستان اسلامي امارت د عالیقدر ریاست الوزراء عالي مقام د حکم پر بنسټ ښاغلی محمد ظاهر ظهیر د عامې روغتیا وزارت د عامه مشارکت ریاست د رئیس په توګه وټاکل شو.
د عامې روغتیا وزارت د مقام د دفتر رئیس، ښاغلي ملا محمد حسن محمدزي نوموړي ته د نوې دندې او مسئولیت د مبارکۍ ترڅنګ په چارو کې د بریالیتوب هیله څرګنده وکړه او و یې ویل، دنده امتیاز نه؛ بلکې مسؤلیت دی او سپارل شوې چارې باید په پوره اخلاص او ایماندارۍ ترسره کړو.
ښاغلي محمد ظاهر ظهیر د افغانستان اسلامي امارت د ریاست الوزراء عالي مقام له باور مننه وکړه او ډاډ یې څرګند کړ چې ورسپارل شوی مسئولیت به په غوره ډول ترسره کړي.
