د اکمال تخصص لوی ریاست خبرتیا!
نیټه: ۲۸/۱۰/۱۴۴۵هـ ق – ۱۸/۰۲/۱۴۰۳ هـ ش
ټولو هغو ډاکټر صاحبان چې د ۱۴۰۱ کال د مونوګراف په آزموینه کې او همداشان د ۱۴۰۲ کال په Comprehensive آزموینه کې بریالي او د متخصصینو په توګه پیژندل شوي، د تخصص بشپړولو سند ترلاسه کولو په موخه دې د عامې روغتیا وزارت ویب سایت په (https://forms.gle/YgoJVjvc5N8sHbfD8 ) لینک کې د ۲۸/۱۰/۱۴۴۵ هـ ق - ۱۸/۰۲/۱۴۰۳هـ ش تر ۰۹/۱۱/۱۴۴۵ هـ ق - ۲۸/۰۲/ ۱۴۰۳هـ ش نیټې پورې د لارښود سره سم نوم لیکنه وکړئ.
نوټ: هغه محترم ډاکټران چې پورتنۍ آزموینه یې ترسره کړې وې خو د تخصص پروګرام یې د رضاکار تریني او یا هم د تخصص پروګرام یې له هیواد څخه بهر بشپړ کړی وي، له پورتنۍ نوم لیکنې څخه مستثنی دي، هغوئ دې د تخصص بشپړولو سند ترلاسه کولو لپاره د اکمال تخصص لوی ریاست ته خپل غوښتنلیک تر پورتنی نیټې پورې وړاندي کړي.
- د سند د حق الفروش بیعه د ذیصلاح مقاماتو له لوري (۲۰۰۰) افغانۍ ټاکل شوې ده.
- د سند د فیس تحویلیدو لپاره په عامې روغتیا محترم وزارت کی د اکمال تخصص لوی ریاست پذیرش غرفې ته مراجعه وکړئ.
- په بانک کې د فیس تر تحویلو وروسته بانکي آویز سکن او د نوم لیکنې په سیستم کې آپلود کړئ او هم اصلي بانکي آویز اړوند مالي ادارو ته وسپارئ.
- که چیرته ستاسو معلومات په سمه توګه سیستم کې ثبت شوي وي ستاسو بریښنالیک ته دنوم لیکنې د ډاد پیغام استول کېږي.
