د عامې روغتیا وزیر، ښاغلي داکټر قلندر عباد او ورسره مل پلاوي بدخشان ولایت ته د خپل سفر په ترڅ کې د بدخشان والي له مرستیال سره لیدنه ترسره کړه
په دې لیدنه کې د بدخشان د عامې روغتیا رئیس د یو پرزِینټېشن په ترڅ کې د دغه ولایت د والي مرستیال په شتون کې د عامې روغتیا وزیر، ښاغلي داکټر قلندر عباد ته په دې ولایت کې د روغتیا په برخه کې ترسره شوي فعالیتونه واورول، موجوده ستونزې یې ورسره شریکې کړې او د عامې روغتیا وزارت له رهبرۍ یې د ستونزو د حل غوښتنه وکړه.
د عامې روغتیا وزیر، ښاغلي ډاکټر قلندر عباد د بدخشان د عامې روغتیا ریاست فعالیتونه او ستونزې واورېدې او ډاډ یې ورکړ، چې د عامې روغتیا وزارت رهبري به په دې ولایت کې د روغتیا په برخه د موجوده ستونزو د حل په موخه لازم اجراات ترسره کړي.
