د مالي او اداري چارو مرستیال د ابو علي سینا روغتون د سوځیدنې ۵۰ بستریز روغتون څخه لیدنه وکړه
د افغانستان اسلامي امارت د عامې روغتیا وزارت مالي او اداري مرستیال ښاغلي، مولوي محمد اسحاق صاحبزاده د ابو علي سینا بلخي روغتون، د سوځیدنې ۵۰ بستریز روغتون، آنکولوژي او هیموډالیز څانګو څخه لیدنه وکړه.
په دې لیدنه کې چې د بلخ ولایت د عامې روغتیا رئیس رحمت الله منصور او د هغه ټیم ورسره مل و، لومړی یې د ناروغانو لیدنه وکړه او د هغوی د ژر روغتیا هیله یې وکړه.
همدا راز ښاغلي، مولوي محمد اسحاق صاحبزاده د دغه روغتون له بېلابېلو څانګو څخه د لیدنې پرمهال مسئولینو ته لارښوونه وکړه، چې د روغتیايي خدمتونو د کیفیت د ښه والي او د ناروغانو د روغتیايي وضعیت رسیدنه کې لا زیاتې هڅې وکړي.
