لوګر ولایت کې یو شمیر بنسټیزې پروژې پرانیستل شوې
د افغانستان اسلامي امارت د عامې روغتیا وزارت مالي او اداري مرستیال ښاغلي، مولوي محمد اسحق صاحبزاده د یو ګډ پلاوي په مشرۍ لوګر ولایت ته د خپل سفر پرمهال یو شمېر بنسټیزې پروژې پرانیستې او د روغتیايي چارو ښه والي په موخه یې ولایتي روغتون څخه د لیدنې تر څنګ یې ځایي خلکو او مسئولینو سره وکتل.
مولوي محمد اسحاق صاحبزاده په دغه سفر کې دادوخېلو سیمه کې د یوې روغتیايي ځالې (FHH) لپاره د نوي تعمیر د جوړېدو بنسټ ډبره کېښوده، وروسته یې د نائب امین الله خان ولایتي روغتون کې د (PCR) ماشین پرانیستې ترڅنګ د یاد روغتون له روغتیايي خدماتو لیدنه ترسره کړه او هم یې د روغتیايي چارو ښه والي په موخه د لوګر عامې روغتیا رئیس حافظ سید الرحمن قادري سره ناسته ترسره کړه.
