د پولیو پروګرام د همغږۍ کلنۍ غونډه پیل شوه
په یاده غونډه کې د عامې روغتیا وزارت د روغتیايي خدمتونو وړاندې کولو مرستیال ښاغلي مولوي عبدالولي حقاني، د پولیو له منځه وړلو ملي بېړني عملیاتي مرکز رئیس الحاج ډاکټر عبدالقدوس بریالي، د ولایتونو روغتیا رئیسانو، د روغتیا نړیوال سازمان استازو، د کتلوي معافیت کارکوونکو، د پولیو له منځه وړلو سیمه ییزو بېړنیو عملیاتي مرکزونو مسؤلینو او د پولیو له منځه وړلو پروګرام کلیدي شریکانو ګډون کړی و.
دغه غونډه چې دوه ورځې به نور هم دوام وکړي، موخه یې د پولیو پروګرام اوسني پرمختګونو ارزول، په دې پروګرام کې د شته ننګونو په ګوته کول او حل لپاره یې د اغېزمنو لارو چارو موندل دي.
