د روغتیايي خدمتونو وړاندې کولو مرستیال پکتیکا ولایت کې د روغتیايي خدمتونو وړاندې کولو موسسو استازو ناسته ترسره کړه
د عامې روغتیا وزارت د روغتیايي خدمتونو وړاندې کولو مرستیال ښاغلي، مولوي عبدالولي حقاني پکتیکا ولایت ته د سفر پرمهال دغه ولایت کې د روغتیايي خدمتونو وړاندې کولو موسسو استازو ناسته ترسره کړه.
په دغه ناسته کې د عامې روغتیا وزارت د روغتیايي خدمتونو وړاندې کولو مرستیال ښاغلي، مولوي عبدالولي د تطبیق کوونکو موسسو استازو ته سپارښتنه وکړه چې ټول روغتیايي خدمتونه به د عامې روغتیا وزارت سره د شوې تفاهمنامې په اساس ترسره کوي او همدارنګه یې روغتیايي مرکزونو ته درمل او ژمني توکو په رسولو، روغتیایي کارکوونکو ته په وخت د معاشونو اجرا او خدماتو کې د خنډو ځنډ په نه رامنځته کیدو ټینګار وکړ.
په یاده ناسته کې د تطبیق کوونکو موسسو استازو د یو شمېر وړاندیزونو شریکولو تر څنګ د غوره روغتیايي خدماتو د وړاندې کولو ډاډ څرګند کړ.
