د روغتیايي خدمتونو وړاندې کولو مرستیال د پکتیکا او کاپیسا ولایتونو د عامې روغتیا ريیسانو او په یادو ولایتونو کې د یونېسف او تطبیق  کوونکو موسسو (BARAN) او (BDN) استازو سره وکتل

د عامې روغتیا وزارت د روغتیايي خدمتونو وړاندې کولو مرستیال ښاغلي، مولوي عبدالولي حقاني په خپل کاري دفتر کې د پکتیکا او کاپیسا ولایتونو د عامې روغتیا ريیسانو او په یادو ولایتونو کې د یونېسف او تطبیق  کوونکو موسسو (BARAN) او (BDN) استازو سره وکتل.

په دې کتنه کې دواړو لورو د روغتیايي خدمتونو پر ښه والي او د شته ستونزو پر حل خبرې وکړې او په اړوندو برخو کې یې یو شمېر وړاندیزونه د حل په موخه د عامې روغتیا وزارت د روغتیايي خدمتونو وړاندکولو مرستیال  سره شریک کړل.

د عامې روغتیا وزارت د روغتیايي خدمتونو مرستیال ښاغلي، مولوي عبدالولي حقاني د یادو ولایتونو د ستونزو او وړاندیزونو له اورېدو وروسته د تطبیق کوونکو موسسو مسوولینو ته لارښوونه وکړه، چې د یادو ستونزو حل په موخه لازم تدابیر ونیسي، څو په دغو ولایتونو کې د ناروغانو روغتیايي وضعیت ته په کتو سره لازمې اسانتیاوې رامنځته شي.