هلمند کې د خوراکي توکو پلورنځیو څخه نظارت ترسره شو

د هلمند عامې روغتیا ریاست اړوند، خوړو او درملو آمریت له لوري په لښکرګاه ښار کې د یو شمېر خوراکي توکو پلورنځیو څخه نظارت ترسره او په پایله کې یې ۱۵۳ کېلو ګرامه له نېټې تېر خوراکي او ارایشي توکي راټول او د له منځه وړلو په موخه اړوند ځای ته ولېږدول شول.

د یاد نظارت په ترڅ کې د پلورنځیو مسؤلینو ته سپارښتنې وشوې، چې له نېټې تېرو خوراکي توکو له پلورلو په کلکه ډډه وکړي، که نه نو له قانوني چلند سره به مخ شي.