د ا.ا.ا. د عامې روغتیا وزیر، ښاغلي مولوي نور جلال جلالي په خپل کاري دفتر کې د افغانستان لپاره د ایران له سفیر، علي رضا بیکدلي سره لیدنه ترسره کړه
په دې لیدنه کې د روغتیايي کارکوونکو ظرفیت لوړولو، باکیفیته روغتیايي خدمتونو وړاندې کولو او دوه اړخیزو همکاریو اړوند خبرې وشوې.
ښاغلي وزیر، ایران هېواد سره روغتیا برخه کې دوه اړخیزې اړیکې مهمې وبللې او ویې وویل: "موږ د هېواد روغتیایي برخې پیاوړتیا لپاره د کارکوونکو ظرفیت لوړولو، باکیفیته درملو او عصري طبي تجهیزاتو ته اړتیا لرو، چې د دوه اړخیزو ښو اړیکو او همکاریو پر اساس کولای شو دې برخې کې پرمختګ ترسره او ناروغانو ته معیاري روغتیايي خدمات وړاندې کړو".
دغه راز، د ایران سفیر روغتیا برخه کې د همکارۍ ډاډ څرګند او په نږدې راتلونکي کې یې په کابل او بامیان ولایت کې د جوړېدونکو روغتونونو د چارو بیا ځلي پیل ژمنه وکړه.
