پکتیا ولایت کې د یو شمیر روغتیایي مرکزونو څخه د تغذیې خدماتو ارزونې تر سره شوه
د عامې روغتیا وزارت عامه تغذیې رئیس، ډاکټر حکمت الله معصومي او مل ټیم پکتیا ولایت ته د سفر پر مهال په مرکز ګردېز او ولسوالیو کې له یو شمېر روغتیايي مرکزونو څخه د تغذیې خدماتو ارزونې په موخه لیدنه ترسره کړه
په دې لیدنه کې چې موخه یې په مرکزونو کې د تغذیې خدمتونو کیفیت لوړول او ناروغانو ته په معیاري توګه د خدمتونو وړاندې کول دي، د عامه تغذیې رئیس، ډاکټر حکمت الله معصومي په روغتیايي مرکزونو کې شته ستونزې په نښه او د یاد ولایت روغتیا برخې له مسؤلینو سره یې شریکې کړې.
دغه راز د یاد ولایت روغتیايي مسؤلینو ژمنه وکړه، چې د تغذیي خدمتونو برخه کې به شته ستونزو د حل لپاره یو منظم میکانیزم رامنځته او پر ټاکلي وخت به ورته رسېدنه کوي.
