د عامې روغتیا وزارت اکمال تخصص لوی ریاست له لوري په لومړي ځل(۹۵) تنو ټریني ډاکټرانو ته د ریسرچ میتودولوژي روزنیز ورکشاپ ورکړل شو
یاد روزنیز ورکشاپ لومړی د عاجل ابن سینا او ملالۍ روغتون ټریني ډاکټرانو ته د څېړنیزو مهارتونو لوړولو، د علمي څېړنې اصولو ته د لا زیاتې پاملرنې، او د شواهدو پر بنسټ طبي څېړنو ته د هڅونې په موخه جوړ شوی و، چې په کې د طبي څېړنو بېلابېل اړخونه، د څېړنې بېلابېلې مرحلې، د تحقیق موضوع ټاکل، د معلوماتو راټولول، تحلیل او د پایلو تفسیر تشریح کول شامل و.
په پام کې ده چې د ټریني ډاکټرانو د مسلکي پوهې لوړونې په موخه به ورته نور ورکشاپونه هم رامنځته شي.
