د عامې روغتیا وزارت د مقام د دفتر لوی رئیس، الحاج شیخ محمد طاهر حلیم په مشرۍ مل پلاوي د دې وزارت له یو شمېر ریاستونو او آمریتونو څخه نظارت ترسره کړ
یاد پلاوی د دې وزارت د روږدو ملي برنامې ریاست، چاپیریال روغتیا ریاست، د روغتیايي تاسیساتو ریاست، ظرفیت لوړونې ریاست، داخلي تفتیش ریاست، جدي پاملرنو آمریت، او د معلولینو فزیکي رغونې امریت څخه د نظارت پرمهال د مسئولینو او کارکوونکو موجودیت، حاضري او اداري چارې له نږدې ولیدې او هم یې د یادو ریاستونو مسئولینو ته سپارښتنې وکړې، چې خپلې اداري چارې په منظم ډول ترسره او د غیر حاضرۍ څخه ډډه وکړي.
د عامې روغتیا وزارت رهبرۍ په لارښوونه د مقام د دفتر لوی رئیس، الحاج شیخ محمد طاهر حلیم په مشرۍ پلاوی ټاکلی څو په دوامداره توګه د دې وزارت اړوند روغتونونو،ریاستونو او نورو برخو څخه نظارت ترسره کړي.
