د ا.ا.ا. د عامې روغتیا وزیر، ښاغلي مولوي نور جلال جلالي او ورسره مل پلاوي کندوز ولایت ته د خپل سفر پرمهال د دې ولایت د خصوصي روغتیایي سکتور او ډاکټرانو اتحادیې رئیس سره ناسته ترسره کړه
په دې ناسته کې چې د روغتیا وزارت د مقام د دفتر لوی رئیس شیخ محمد طاهر حلیم، د کندوز د عامې روغتیا رئیس ډاکټر محمد الله حکمت او مل پلاوي شتون درلود، د خصوصي روغتیایي سکتور او ډاکټرانو اتحادیې رئیس ډاکټر عبدالستار غفور یاد ولایت کې د خصوصي روغتیایي سکتور اړوندو معلومات وړاندې او په یو شمېر برخو کې یې د همکارۍ غوښتنه وکړه.
ښاغلي وزیر مولوي نور جلال جلالي ژمنه وکړه چې یادو غوښتنو او وړاندیزونو ته به د حل لار پیدا کړي او د خپلې وینا په ترڅ کې یې د خصوصي سکتور خدماتو د کیفیت اړوند لازمې سپارښتنې تر سره کړې.
