د پولیو له منځه وړلو ملي بېړني عملیاتي مرکز رئیس، ډاکټر عبدالقدوس بریالي او مل پلاوي د کونړ عامې روغتیا رئیس سره ناسته وکړه
دغه ناسته چې موخه یې د پولیو واکسین غوره او اغېزمن تطبیق دی، په کې د پولیو له منځه وړلو ملي بېړني عملیاتي مرکز رئیس، ډاکټر عبدالقدوس بریالي، د کونړ عامې روغتیا رئیس قاري مظفرخان مخلص، د روغتیا نړیوال سازمان او یونیسف ادارې استازو شتون درلود.
د پولیو له منځه وړلو ملي بېړني عملیاتي مرکز رئیس، په نږدې او لرو پرتو سیمو کې هر ماشوم ته د پولیو واکسین پر تطبیق ټینګار وکړ او د یاد کمپاین پوښښ برخه کې یې د نیمګړتیاوو له منځه وړلو په اړه لازمې سپارښتنې وکړې؛ تر څو هر ماشوم ته د پولیو واکسین تطبیق شي.
دغه راز، د کونړ عامې روغتیا رئیس په یاد ولایت کې د پولیو واکسین روان کمپاین په اړه معلومات وړاندې او خپل وړاندېزونه یې شریک کړل.
