د عامې روغتيا وزارت له لوري افغان حاجیانو ته د روغتیایي لارښوونو په موخه ځانګړي معلوماتي بروشرونه ووېشل شول
د عامې روغتیا وزارت له لوري د حج موسم له رارسېدو سره هم مهاله، افغان حاجیانو ته د روغتیا خوندیتوب په موخه ځانګړي معلوماتي بروشرونه ووېشل شول، چې د حج پر مهال د ناروغیو د مخنیوي، د ګرمې هوا د اغېزو، د مناسکو پر وخت د فزیکي خونديتوب او د وبایي ناروغیو د پېژندنې او وقایې په اړه مهم معلومات په کې شامل دي.
دغه راز په یادو ځانګړو بروشرونو کې له افغان حاجیانو څخه غوښتل شوي، چې ورکړل شوو لارښوونو ته جدي پاملرنه وکړي؛ ترڅو د حج د مناسکو پر مهال له روغتیایي ستونزو سره مخ نه شي.
د یادونې وړ ده، چې دغه ځانګړي روغتیایي بروشرونه به هر یو حاجي ته یو یو ورکړل شي تر څو د حج په مراسمو کې له روغتیایي ستونزو سره مخ نه شي.
