د عامې روغتیا وزارت د چاپیریال روغتیا ریاست له لوري د کانګو ناروغۍ د مخنیوي په موخه د کابل ۱۵مه ناحیه کې له یو شمېر قصابيو څخه نظارت ترسره شو
په دغه نظارت کې د قصابانو د حفظ الصحې وضعیت ارزونه وشوه؛ د نظافت، د وینې سم مدیریت، د خوندي جامو کارونې او د عامې روغتیا وزارت اوصولو مراعاتولو برخه کې لازمې سپارښتنې وشوې.
دغه راز، د چاپیریال روغتیا ریاست مسؤلینو د کانګو ناروغۍ د مخنیوي په موخه ۴۰۰ ښوونیز او معلوماتي پوسټرونه په مناسبو ځایونو کې نصب او د قصابیو مسؤلینو ته یې روغتیایي لارښوونې هم وکړې.
