د غزني ولایت یو شمېر روغتیايي مرکزونو ته د ۲۵ میلیونه افغانیو په لګښت نقلیه او طبي وسایل ورکړل شول
د غزني ولایت عامې روغتیا ریاست له لوري یو شمېر روغتیايي مرکزونو ته ۷ عرادې امبولانسونه، د واکسیناتورانو لپاره ۳۳ عرادې موټر سایکلونه، الټراسونډ ماشینونه، ولایتي روغتون ته یو اکسیجن پلانټ دستګاه او یو شمېر نور مهم طبي وسایل د یو لړ مراسمو په ترڅ کې، چې په کې د غزني مرستیال والي، د عامې روغتیا رئیس، روغتیايي مسؤلینو او کارکوونکو ګډون کړی و وسپارل شول.
ذکر شوي امبولانسونه، موټرسایکلونه او طبي توکي د غزني ولایتي روغتون، اندړ، قره باغ، خوګیاڼو، اجرستان، روږدو ناروغانو درملنې ۵۰ بستریز او ۲۰ بستریزو روغتونونو ته وسپارل شول او اړوندو مسؤلینو ته سپارښتنې وشوې، چې د اړتیا پر مهال ترې سالمه استفاده وکړي.
