د ا.ا.ا د عامې روغتیا وزیر، ښاغلي مولوي نور جلال جلالي په خپل کاري دفتر کې د افغانستان لپاره د ناروې کمېټې له مشر، ښاغلي تاریا واټر ډال سره پر یو شمېر مهمو موضوعاتو لیدنه ترسره کړه
په دې لیدنه کې د افغانستان روغتیايي سیسټم د پیاوړتیا، د نیمه روغتیايي زده کړو برخه کې د افغان محصلینو د روزلو او اسانتیاوو رامنځته کېدو، د عامې روغتیا وزارت د لومړیتوبونو په پام کې نیولو او د روغتیا ملي پالیسۍ سره سم د خدماتو وړاندې کېدو اړوند بحث او خبرې تر سره شوې.
د عامې روغتیا وزیر، ښاغلي مولوي نور جلال جلالي د روغتیا ملي پالیسۍ سره سم د خدماتو په وړاندې کېدو ټینګار وکړ او د یادې کمېټې څخه د نیمه روغتیايي زده کړو برخه کې د افغان محصلینو د روزنې او د افغانستان روغتیايي سیسټم د پیاوړتیا په موخه د همکاریو غوښتونکی شو.
بل لور د ناروې کمېټې مشر، خپلو دوامدرو همکاریو ته په اشارې د نیمه روغتیايي زده کړو برخه کې د افغان محصلینو د روزنې او روغتیایي سکټور سره د همکارۍ ډاډ څرګند کړ.
