د کاپیسا ولایت د عامې روغتیا ریاست د ملي او نړیوالو مؤسسو په همکارۍ د ۵۵۰۰۰ امریکایي ډالرو په ارزښت یو امبولانس ترلاسه کړ
دا امبولانس د ډاکټر احمدالله (صافي) او د بې پولې ډاکټرانو (MSF) مشر جبریل لخوا د یاد ولایت د مرستیال والي او د اقتصاد رئیس په شتون کې د عامې روغتیا ریاست ته وسپارل شو.
همداراز، د یونیسف او SRO مؤسسې د کاپیسا ولایت روغتیايي مرکزونو ته د ۴۰۰۰۰ امریکایي ډالرو په ارزښت د طبي او غیر طبي تجهیزاتو مرسته هم کړې، چې د روغتیايي خدماتو د کیفیت په ښه کولو کې به مهم رول ولوبوي.
د کاپیسا ولایت مرستیال والي او د عامې روغتیا رئیس، د دې مرستې او همکارۍ څخه مننه وکړه او د روغتیا په سکټور کې یې د دوامداره او لا زیاتو همکاریو غوښتنه وکړه.
