په روغتونونو کې د معلوماتي ټکنالوژۍ د بنسټیزو کارونو څخه نظارت
د معلوماتي ټکنالوژۍ رئیس، انجینر احمد جاوید وفا له تخنیکي ټیم سره په ګډه علي جناح ملي او تخصصي روغتون کې د معلوماتي ټکنالوژۍ د بنسټیزو کارونو د روان حالت څخه لیدنه او نظارت تر سره کړ.
دغه پروژه چې ارزښت یې ۸.۴ میلیونه افغانۍ دی، د معلوماتي ټکنالوژۍ ریاست له لوري یې سروې او ډیزاین شوی او د نظارتي ټیم له خوا یې پړاو په پړاو نظارت ترسره کېږي.
د یاد نظارت پر مهال تخنیکي ټیم تطبیقوونکې کمپنۍ ته د تخنیکي معیارونو مطابق لارښوونې وکړې؛ ترڅو د پروژې د تطبیق چارې په معیاري ډول مخکې لاړې شي.
همداراز، د معلوماتي ټکنالوژۍ ریاست تخنیکي ټیم عدلي طب ریاست کې د تخنیکي بنسټونو د کار بهیر هم له نږدې ولید او د پروژې د تطبیق وضعیت ارزونه یې وکړه.
