ننګرهار کې د تېرې زلزلې له امله د بې سرپرسته ټپیانو لپاره ۵۰ بستریز روغتون فعالیت پیل کړ
د عامې روغتیا وزارت د روغتیایي خدمتونو د وړاندې کولو مرستیال، ښاغلي مولوی عبدالولی حقاني، چې یو تخنیکي ټیم او د ننګرهار عامې روغتیا رئیس، مولوي امین الله شریف یې هم ملتیا کوله، ننګرهار ولایت کې د تېرې زلزلې له امله د بې سرپرسته ټپیانو لپاره د یو لنډ مهالي ۵۰ بستریز روغتون پرانیسته وکړه، چې په کې به له کونړ ولایت څخه د انتقال شويو ټپیانو درمنله کېږي.
د عامې روغتیا وزارت د روغتیایي خدمتونو د وړاندې کولو مرستیال وویل، هغه ټپیان چې حوزوي او نورو روغتونونو کې یې لومړنۍ درملنه او خدمات ترسره شوي دي، د نورې درملنې او پاملرنې لپاره به دې روغتون ته راوړل کېږي او ټول امکانات ورته روغتیا وزارت له خپلې بودیجې څخه برابر کړي دي.
