د عامې روغتیا وزارت د مرکزي او دوهمي واحدونو لپاره د ۴۲ قلمه قرطاسیه بابو د افر پرانیستې پروسه تر سره شوه
یاده پروسه د عامې روغتیا وزارت د تدارکاتو، مالي او اداري ریاستونو او ۹ لوژستیکي شرکتونو د استازو په شتون کې تر سره شوه.
د عامې روغتیا وزارت د تدارکاتو پروسې مسؤلینو وویل «دغه پروسه په بشپړه توګه شفافه ده او له هغه شرکت څخه چې بریالی کېږي، هیله لرو، چې د قرطاسیه بابو تهیه او تدارک د عامې روغتیا وزارت له شرطونو سره سم ترسره کړي او موږ به ترې نظارت هم کوو.
بل لور د لوژستیکي شرکتونو استازو ژمنه وکړه، که په دې پروسه کې بریالي شي، د عامې روغتیا وزارت له معیارونو سره سم به د قرطاسیه بابو تهیه او تدارک تر سره کوي.
