د افغانستان اسلامي امارت د عامې روغتیا وزیر، ښاغلی مولوي نورجلال جلالي د هند هیواد په رسمي بلنه د یوه پلاوي په مشرۍ دې هیواد ته په رسمي سفر لاړ
دا سفر چې د دواړو هېوادونو د روغتیايي همکاریو د پیاوړتیا، د تجربو تبادلې او ګډو هڅو د تنظیم په موخه ترسره کیږي څو ورځې به ادامه ولري، د سفر پر مهال به ښاغلی وزیر د هند له بیلا بیلو مسؤولینو او په ځانګړې توګه د روغتیا له مسؤولینو سره جلا کتنې ولري او په ځینې تنظیم شویو پروګرامونو کې به ګډون وکړي ، همدارنګه ښاغلی وزیر به د افغان روغتیایي کارکوونکو لپاره د ظرفیت لوړونې زمینې برابرولو، د معیاري درملو افغانستان ته را واردولو، طبي تجهیزاتو او نورو مواردو اړوند مجالس ولري.
