د یونیسف ادارې په مالي ملاتړ، د آدا مؤسسې له لوري د اوتریچ پروګرام د پیاوړتیا په موخه بغلان ولایت کې ۱۶ عرادې موټرسایکلونه ووېشل شول
په همدې تړاو جوړه شوې غونډه کې د کتلوي معافیت مسؤل ډاکټر فیصل احمدزي، د آدا مؤسسې مسؤل ډاکټر شمس الله منګل، د یونیسف استازي ډاکټر شفیق الله انوري، د روغتیا نړیوال پروګرام مسؤل ډاکټر خداد مرادي او د کتلوي معافیت یو شمېر نور مسؤلینو ګډون کړی و.
ګډونوالو د دغه نوښت ارزښت وستایه او ویې ویل، دا ډول ملاتړ به د واکسیناسیون خدمتونو د پراختیا او لرې پرتو سیمو ته د باکیفیته روغتیايي خدمتونو په رسولو کې مهم او اغېزناک رول ولوبوي.
