د اقاخان خیریه بنسټ له لوري د تخار ولایتي روغتون سره د شاوخوا یو نیم میلیون افغانیو په ارزښت د ۷۶ قلمه اړینو درملو مرسته وشوه
دغه درمل د تخار عامې روغتیا رئیس مولوي شیخ میر صدام، د آقاخان خیریه بنسټ مسؤلینو او د ولایتي روغتون د استازو په شتون کې یاد روغتون ته وسپارل شول.
د تخار ولایت د عامې روغتیا رئیس د آقاخان خیریه بنسټ له دوامدارو همکاریو او مرستو څخه مننه وکړه او ویې ویل: دا ډول مرستې نه یوازې د روغتیايي خدماتو په پیاوړتیا کې مرسته کوي، بلکې د ناروغانو پر اقتصادي وضعیت هم مثبت اغېز لري او زیاته یې کړه، چې دغه درمل به په وړیا او شفاف ډول اړمنو ناروغانو ته ورکړل شي.
