په کابل کې د هوا ککړتیا د کمولو او د تنفسي ناروغیو د مخنیوي لپاره نظارت ترسره شو
د عامې روغتیا وزارت د چاپېریال روغتیا ریاست د هوا ککړتیا د تنظیم او کمولو امریت کارکوونکو په کابل ښار کې له بېلابېلو ملکیتونو څخه د تنفسي ناروغیو مخنیوي او د هوا پاکوالي په موخه نظارت ترسره کړ
د دې نظارت په ترڅ کې اړوند چکلېستونه ډک او د یادو ملکیتونو له مسؤلینو څخه ژمنه واخیستل شوه، چې له دې وروسته به د لوګي د تصفیې له ماشین پرته فعالیت نه کوي.
همدارنګه، د ملکیتونو مسؤلینو ته روغتیايي پیغامونه، تبلیغاتي پاڼې او د هوا ککړتیا د کمولو لایحه تشریح او ووېشل شوه؛ ترڅو خپل فعالیتونه د چاپېریال روغتیا ریاست له معیارونو سره سم عیار کړي.
