د عامې روغتیا وزارت د خوړو او درملو معینیت د رنګمالۍ او کانګريټ اچونې پروژې د افر پرانیستې پروسه ترسره شوه
یاده پروسه د عامې روغتیا وزارت د خوړو او درملو معینیت، تدارکاتو، مالي او حسابي او اداري ریاستونو او یو شمېر ودانیزو شرکتونو د استازو په شتون کې ترسره شوه.
د عامې روغتیا وزارت د تدارکاتو رئيس، استاد محمد زبير غالب وویل: دغه پروسه په بشپړه توګه شفافه ده او له هغه شرکت څخه چې بریالی کېږي، هیله لرو کارونه په ټاکلي وخت د عامې روغتیا وزارت له شرطونو سره سم ترسره کړي؛ ځکه چې دا د عامه ګټو پروژه ده او موږ به یې له چارو څخه نظارت هم کوو.
بل لور، د ودانیزو شرکتونو استازو ژمنه وکړه، که په دې پروسه کې بریالي شي، نو د عامې روغتیا وزارت له معیارونو سره سم به د مرکز د جوړېدو چارې ترسره کوي.
