په وروستیو پنځو میاشتو کې د عامې روغتیا وزارت د لاسته راوړنو راپور وړاندې شو

Panah_moph
Sat, Jan 01 2022 5:26 PM
په وروستیو پنځو میاشتو کې د عامې روغتیا وزارت د لاسته راوړنو راپور وړاندې شو

 شنبه، مرغومې ۱۱/۱۴۰۰

د عامې روغتیا وزارت د روغتیايي خدمتونو وړاندې کولو مرستیال ډاکتر عبدالباري عمر، نن په یوه خبري ناسته کې په تېرو پنځو میاشتو کې د عامې روغتیا وزارت د کړنو راپور وړاندې کړ.

د روغتیایي خدمتونو وړاندې کولو مرستیال په دغه ناسته کې وویل: له سیاسي تحولاتو او مالي ستونزو سره سره چې په هېواد کې ترسره شول د عامې روغتیا وزارت مشرتابه په دې وتوانېده چې د خپلو محدودو امکاناتو په لرلو سره په ټول هېواد کې روغتونونه او روغتیايي مرکزونه فعال وساتي او اړو کسانو ته روغتیایي خدمتونه وړاندې کړي.

ډاکتر عمر زياته کړه، چې په تېرو پنځو مياشتو کې د عامې روغتيا وزارت له فعاليتونو څخه د هېواد په روغتونونو کې د ٤٨١٠٧٥ بستري ناروغانو درملنه، د ٢٢٩٨٤٥٧٤ سراپا ناروغانو درملنه، ٦٩٣١٨ لوی عملیاتونه او ١٤٤٣٧٤ کوچنيو عملیاتونه ترسره کول شامل دي.

سربېره پردې د روغتیایي خدمتونو وړاندې کولو مرستیال د خوارځواکۍ د ۲۳۶۷۹۶ نسبتأ متوسط کسانو لپاره د روغتیايي خدمتونو د وړاندې کولو ترڅنګ، ۱۶۰۱۴۵ تنه سختې خوارځواکۍ، په روغتون کې د زېږون له امله د ۳۹۸۷۹۴ تنه میندو ته د خدمتونو زمینه برابرول او ۴۸۲۴۳۰۷ په شرایطو برابر کسانو ته د کورونا واکسین د تطبیق په برخه کې د تېرو پنځو میاشتو کې ګډونوالو ته خبر ورکړ.
.
د دې ناستې په دوام، ډاکترعمر په نشه يي توکو د روږدو کسانو د روغتيايي وضعيت، د روغتيايي سيستم د ښه والي، په روغتونونو او روغتيايي مرکزونو کې د خدمتونو د کيفيت د ښه والي، د کورونا ناروغانو روغتيايي حالت ته د لاسرسي، د دولتي او خصوصي روغتونونو د ارزونې لپاره د ټيمونو د جوړولو او همدارنګه په هېواد کې د درملتونونو د معیاري کولو په اړه ګډونوالو ته معلومات ورکړل.

د روغتیایي خدمتونو وړاندې کولو مرستیال زیاته کړه: د افغانستان روغتيايي سکټور يو غير سياسي بې پری سکټور دى او موږ له خپلو نړيوالو روغتيايي همکارانو غوښتنه کوو چې په دې برخه کې د هېواد د عامې روغتيا له وزارت سره کار وکړي، ترڅو له کوم نژادي، قومي او ژبني تبعیض پرته په ټول هېواد کې اړمنو کسانو ته روغتیایي خدمتونه وړاندې شي.

له بلې خوا، ډاکترعمر د روغتيايي کارکوونکو معاشونه ورکول، د روغتونونو لپاره د طبي تجهیزاتو او وسایلو برابرول، په هېواد کې د درملو د قاچاق مخنیوئ، د کووېډ-۱۹ روغتونونو کې د اکسیجن د تولید دستګاه وو نصب او د کورونا واکسین برابرول، په وروستیو پنځو میاشتو کې د عامې روغتیا وزارت له مهمو لاسته راوړنو څخه دي.

Latest news

Wed, Feb 12 2020 3:24 PM
Background image

MoPH held an emergency meeting with international health partners to fight against the spread and control of COVID-19

Today MoPH conduct an emergency meeting regarding the prevention, spread and control of COVID-19 in Afghanistan and called on international partners for cooperation.

Minister of Public. . .

Tue, May 28 2019 12:50 PM
Background image

The Minister of Public Health of Afghanistan becomes a member of GAVI Alliance Board of Directors

As a member he will be representing the Developing Countries Constituency on the GAVI Alliance Board. Congratulations to all.

It is a great honor for Afghanistan.

Sat, Dec 29 2018 4:01 PM
Background image

20th polio Case Reported in Afghanistan marking highest number of cases since 2015

Kabul, 28 November 2018– Another new polio case has been reported from Shaheed-e-Hassas district of Urozgan province, a 3-year-old boy is now permanently paralyzed by the poliovirus.. . .

BACK TO NEWS