د عامې روغتیا وزارت د نظارت رئیس له بدخشان ولایت څخه د روغتیايي خدمتونو ارزونه وکړه
د عامې روغتیا وزارت د نظارت رئیس، ډاکټر کریم الله حلیمي او مل تخنیکي ټیم بدخشان ولایت ته د سفر په ترڅ کې له دولتي او خصوصي روغتیایي مرکزونو څخه نظارت ترسره کړ
یاد نظارت چې موخه یې د هېواد په دولتي او خصوصي روغتونونو کې د روغتیایي خدمتونو کیفیت لوړل، هېوادوالو ته په معیاري توګه د روغتیايي خدمتونو وړاندې کول او د چارو شفافیت دی، په ترڅ کې یې ډاکټر کریم الله حلیمي او مل تخنیکي ټیم د بدخشان ولایت یو شمېر ولسوالیو کې له روغتیایي مرکزونو څخه لیدنه وکړه، ستونزې او نیمګړتیاوې یې په نښه او د حل په موخه یې له اړوندو مسؤلینو سره شریکې کړې.
ښاغلي رئیس دغه راز، روغتیایي کارکوونکو ته لازمې سپارښتنې وکړې، چې د ناروغانو ستونزو ته د رسېدنې او درملنې په برخه کې لا زیاتې هڅې وکړي.
