د هېواد په سوېل ختیځ زون کې د بې پولې ډاکټرانو له استازو سره د عامې روغتیا نوماند وزیر لیدنه
د عامې روغتیا نوماند وزیر ډاکټر احمد جواد عثماني په جنوب زون کې د بې پولې ډاکټرانو له روغتیایي مسؤل ښاغلي Webbing Xu سره په خپل دفتر کې وکتل.
په دغه غونډه کې، ډاکټر عثماني او ښاغلي Webbing Xu په کندهار ولایت کې د نري رنځ څخه مخنیوي ناروغانو درملنې لپاره د 24 بستریز روغتون د جوړېدو په اړه خبرې وکړې، او پرېکړه وشوه چې د 2021 کال جنوري میاشتې پورې یاد روغتون بشپړ او ګټې اخیستنې ته وسپارل شي.
په دغه ناسته کې دواړو لوریو د هلمند ولایتي روغتون د تشکیل په اړه هم خبرې وکړې، چې له ۱۵۰ بسترونو څخه ۳۰۰ بسترونو پورې لوړ شوی دی.
له بلې خوا، د عامې روغتیا نوماند وزیر په افغانستان کې د بې پولې ډاکټرانو د کار له امله مننه او قدرداني وکړه او له دغه سازمان سره یې د لا زیاتو همکاریو ژمنه وکړه.
د یادونې وړ ده چې په نړۍ کې د بې پولې ډاکټرانو دوهمه او لویه پروژه د افغانستان په هلمند ولایت کې ده او په پام کې ده چې تر ارزونو وروسته دا اداره د نري رنځ ناروغانو د درملنې لپاره په زابل ولایت کې یو روغتون کړي.
