بدخشان ولايت کې روغتيايي کارکوونکو ته د غير ساري ناروغيو کنټرول او مديريت برخه کې روزنيز ټريننګونه تر سره شول

rasooli_admin
شنبه ۱۴۰۵/۵/۳۱ - ۱۴:۲۳
moph

د عامې روغتیا وزارت د ناروغیو د کنټرول او مخنيوي لوی ریاست اړوند د غیرساري ناروغیو د کنټرول او مخنيوي ډيپارټمنټ له لوري د غیرساري ناروغیو د مخنيوي او کنټرول، لومړني تشخیص او درملنې، روغتونونو ته د ناروغانو د راجع کولو، په غیرساري ناروغیو د اخته ناروغانو مدیریت او روغتیايي مشورو برخو کې ۲۵ تنو ډاکترانو ته څلور ورځنی او همداراز، ۲۵ تنو قابلو او ۵۰ تنو د ټولنې پر کچه روغتیايي کارکوونکو ته درې ورځنی روزنیز ټريننګ تر سره شو، چې ګډونوالو ته په کې د غیرساري ناروغیو د وقایې او کنټرول اړوند لازمې زده کړې ورکړل شوې.

د عامې روغتیا وزارت د غیرساري ناروغیو د کنټرول او مخنيوي مسؤل، ډاکتر محمد سمیع کریمي په دې ټريننګونو کې د غیرساري ناروغیو د مخنیوي او کنټرول په برخه کې د ډاکترانو او د ټولنې پر کچه د روغتیايي کارکوونکو رول مهم وباله او ويې وویل: د غیرساري ناروغیو د کنټرول په برخه کې د ټولو روغتیايي کارکوونکو روزل ممکن نه دي؛ له همدې امله له ګډونوالو غوښتنه کېږي، چې د ټريننګونو په ترڅ کې زده کړې موضوعات له خپلو نورو همکارانو سره په روغتيايي مرکزونو، روغتونونو او کلیو کې شریک کړي؛ ترڅو په دې برخه کې د لا ډېرو روغتیايي کارکوونکو د روزنې زمینه برابره شي.

د ورکشاپ په پای کې ګډونوالو ته د غیرساري ناروغیو د مخنيوي او کنټرول په اړه د عامه پوهاوي بروشورونه او پوسترونه هم ووېشل شول؛ تر څو په خپلو اړوندو سیمو کې ترې د عامه پوهاوي او وقایوي پیغامونو د خپرولو په موخه ګټه واخلي.

تازه خبرونه

سه‌شنبه ۱۴۰۵/۸/۲۶ - ۱۴:۴
Background image

په لښکرګاه ښار کې د مالګې د پروسس او بسته‌ بندۍ درې تولیدي شرکتونه وتړل شول

د هلمند ولایت د عامې روغتیا ریاست د غذایي چارو مدیریت د څارنې ټیم له لوري د لښکرګاه ښار په بېلا بېلو سیمو کې د مالګې د پروسس او بسته‌ بندۍ درې تولیدي شرکتونه د روغتیايي او حفظ‌الصحې. . .

دوشنبه ۱۴۰۵/۸/۲۵ - ۱۵:۳۲
Background image

د افغانستان ا.ا. د عامې روغتیا وزارت له لوري د شکرې ناروغۍ په اړه د عامه پوهاوي غونډه تر سره شوه

په دې غونډه کې د عامې روغتیا وزارت د روغتیايي خدمتونو وړاندې کولو مرستیال ښاغلي مولوي عبدالولي حقاني، د مالي او اداري چارو مرستیال ښاغلي قاري عبدالولي صدیقي، د مقام د دفتر لوی رئیس،. . .

دوشنبه ۱۴۰۵/۸/۲۵ - ۱۴:۴۶
Background image

د عامې روغتیا وزیر د ازبکستان د روغتیا وزارت د درمل جوړونې صنعت د پراختیا ادارې له مرستیال رئیس سره لیدنه وکړه

د افغانستان ا.ا. د عامې روغتیا وزیر، ښاغلي مولوي نور جلال جلالي د ازبکستان هېواد د روغتیا وزارت د درمل جوړونې صنعت د پراختیا ادارې له مرستیال رئیس، ښاغلي ظفربېک قاسموف او مل پلاوي سره. . .

BACK TO NEWS