د افغانستان اسلامي امارت د عامې روغتیا وزیر ښاغلي مولوي نور جلال جلالي د خصوصي روغتیایي علومو انسټیټیوټونو د همغږۍ ریاست له مسؤولینو سره مجلس تر سره کړ
په دې مجلس کې چې د عامې روغتیا وزارت د مالي او اداري چارو مرستیال ښاغلي ملا بخت الرحمن شرافت او د مقام د دفتر لوی رئیس شیخ محمد طاهر حلیم هم شتون درلود د نیمه طبي زده کړو پر کیفیت ، ښوونیز بهیر ښه والي ، د خصوصي سکتور پر معیاري کولو ، د ازموینو پر شفافیت او نورو اړینو موضوعاتو خبرې تر سره شوې.
د عامې روغتیا وزیر ښاغلي مولوي نور جلال جلالي د ښو روغتیایي خدماتو لپاره د نیمه طبي زده کړو معیار جوړول اړین وګڼل او مسؤولینو ته یې سپارښتنې وکړې چې په دې برخه کې لا شفافیت او معیار ته کار وکړي.
