د اندراګاندي د ماشومانو درملنې روغتون د غوږ، ستوني او پوزې څانګه!

rasooli_admin
سه‌شنبه ۱۴۰۵/۱/۴ - ۱۵:۲۱
moph

د اندراګاندي د ماشومانو درملنې روغتون د غوږ، ستوني او پوزې څانګه د افغانستان د ماشومانو درملنې برخه کې له سترو ویاړونو څخه شمېرل کېږي؛ داسې ځای چې علم، تجربه او ژمنتیا یې د هېواد د ماشومانو د ژوند ژغورنې لپاره کارول کېږي.

دغه څانګه په افغانستان کې د برانکوسکوپي عملیاتو د ترسره کولو له مهمو مرکزونو څخه ده او د هېواد د روغتیايي خدمتونو په لوړولو کې یې تاریخي او بې ساری رول لوبولی دی. دا ارزښتناکه لاسته راوړنه نه یواځې یو طبي پرمختګ دی، بلکې د ماشومانو د تنفسي ناروغیو په تشخیص او درملنه کې د نوې لارې پیل هم بلل کېږي.

برانکوسکوپي، چې د تنفسي لارو د ناروغیو تشخیص او له دې لارو څخه د بهرنیو اجسامو د ایستلو له مهمو او حساسو طریقو څخه ده، په دې مرکز کې په لوړ مهارت او بشپړه دقت سره ترسره کېږي

ډېری هغه ماشومان چې د تنفسي لارو د بندېدو له جدي خطر سره مخ وو، د همدې تخصصي خدمتونو په برکت یې بېرته ژوند او موسکا موندلې ده.

د دې روغتون د غوږ، ستوني او پوزې څانګه نن یواځې د درملنې یو مرکز نه دی، بلکې د افغانستان په روغتیايي نظام کې د هیلې، پرمختګ او په ځان‌ باورۍ یو سمبول دی؛ داسې ځای چې هره بریا یې د یو ژوند ژغورنې کیسه او د هر ماشوم موسکا د یوه ژمن ټیم د صادقانه هڅو پایله ده.

موږ به لا هم پر همدې لاره کوټلی ګام اخلو؛ څو د پوهې او مهارتونو په لوړولو سره د هېواد ګرانو ماشومانو ته لا معیاري او پراخ خدمات وړاندې کړو. ځکه موږ باور لرو چې هر ماشوم د سالم ژوند او په خوندي ډول د ساه اخیستلو حق لري.

تازه خبرونه

پنجشنبه ۱۴۰۵/۸/۲۸ - ۹:۸
Background image

په ننګرهار کې د ډینګي ناروغۍ د کنټرول او مخنیوي فعالیتونه وارزول شول

د عامې روغتیا وزارت رهبرۍ د لارښوونې پر اساس د ملاریا او نورو ناقله ناروغیو آمر، ډاکټر حزب‌الله فطرت په مشرۍ ټاکل شوې کمېټې د ننګرهار عامې روغتیا رئیس، مولوي امین‌ الله شریف او د تطبیق. . .

پنجشنبه ۱۴۰۵/۸/۲۸ - ۹:۳
Background image

د عامې روغتیا وزارت د مالي او اداري چارو مرستیال د دغه وزارت د تدارکاتو ریاست له کارکوونکو سره ناسته وکړه

د عامې روغتیا وزارت د مالي او اداري چارو مرستیال ښاغلي قاري عبدالولي صدیقي د دغه وزارت د تدارکاتو رئیس مولوي عبدالقدیر نذیر او د ياد ریاست له کارکوونکو سره په ناسته کې د کاري چارو ښه. . .

پنجشنبه ۱۴۰۵/۸/۲۸ - ۹:۰
Background image

د عامې روغتیا وزارت د خوړو او درملو معینیت د دویمې ربعې د فعالیتونو او کړنو د ارزونې غونډه ترسره شوه

د عامې روغتیا وزارت د خوړو او درملو معینیت د روان کال د دویمې ربعې د فعالیتونو او کړنو د ارزونې غونډه، د خوړو او درملو مرستیال ښاغلي مولوي حمدالله زاهد، د یاد معینیت د رئیسانو، مشاورينو. . .

BACK TO NEWS