د خوراکي توکو، درملو او روغتيايي محصولاتو د قاچاق د مخنيوي قانون درېم فصل، څلورويشتمه ماده اتمه فقره
که د درملو او روغتيايي محصولاتو توریدی شرکت په انحصاري ډول درمل او روغتيايي محصولات خپلو اړوندو او عمده درملتونونو ته ووېشي او يا څو مشخصو افرادو او مراجعو ته يې داسې توزيع کړي وي چې خلک درملو او روغتيايي محصولاتو ته لاسرسی پیدا نه کړي، د دې قانون له حكمونو سره سم لاندې تعزيري سزا ورکول کېږي.
الف - که خپلو اړوندو او عمده درملتونونو او يا څو مشخصو افرادو او مراجعو ته يې درمل او روغتيايي محصولات وېشلي وو، په لومړي ځل دې د توريدوونکي شرکت فعالیت د يوې اونۍ لپاره وځنډول شي.
ب - په دوهم ځل دې د توريدوونکي شرکت فعالیت د يوې مياشتې لپاره وځنډول شي.
ج - د تکرار په صورت کې دې وروستۍ سزا دوه چنده ورکول شي.
