د خوست ولایت عامې روغتیا ریاست سره د ۷ میلیونه یورو مرسته وشوه
یاده مرسته چې د اروپایي ټولنې له لوري د خوست د عامې روغتیا ریاست د لابراتوار څانګې د پیاوړتیا او ساري ناروغیو د مخنیوي په موخه شوې، پر مهال یې د خوست والي، ښاغلي عبدالقیوم روحاني او په افغانستان کې د اروپايي ټولنې شارژدافیرې ویرونیکا بوسکوویچ پوهار شتون درلود.
د اروپایي ټولنې شارژدافیرې، د یادې مرستې موخه د لابراتواري خدمتونو پیاوړتیا او د ساري ناروغیو مخنیوی یاد کړ او ژمنه یې وکړه، چې په راتلونکې کې به هم خپلو همکاریو او مرستو ته دوام ورکوي.
هغې همداراز ډاډ ورکړ، چې اروپايي ټولنه به د کډوالو اړتیاوو ته د رسېدو او هغوی ته د اساسي خدمتونو د وړاندې کولو لپاره خپلو مرستو ته دوام ورکړي.
