د روان کال اسد میاشتې په ترڅ کې د درملو او روغتیايي محصولاتو واردولو او عرضه کولو (۱۳۵۸۶) جوازونه صادر شوي دي
د عامې روغتیا وزارت د خوړو او درملو معینیت د درملو او روغتیايي محصولاتو د صادراتو او وارداتو د تنظیم ریاست د روان کال اسد میاشتې په ترڅ کې د درملو او روغتیايي محصولاتو د واردولو او عرضه کولو بهیر د تنظیم او اسانتیا په موخه وارداتي شرکتونو او ملي او نړیوالو مؤسسو ته ۱۳ زره او ۵۸۶ جوازونه صادر کړي دي.
د راپور پر بنسټ، بازار ته د عرضې لپاره وارداتي شرکتونو ته ۱۴۲۰ جوازونه او د واردولو (پروفورم ثبت) ۶۳۳۷ جوازونه صادر شوي دي.
همدارنګه، بازار ته د عرضې لپاره ملي او نړیوالو مؤسسو ته ۱۲۱۸ جوازونه او د واردولو ۲۰۳۹ جوازونه صادر شوي دي.
سربېره پر دې، د درملو او روغتیايي محصولاتو کورنیو تولیدي فابریکو ته د درملو د خامو موادو او روغتیايي محصولاتو د واردولو ۱۰۵ جوازونه، د وتلو ۱۰۱ جوازونه او بازار ته د عرضې ۱۵۷ جوازونه صادر شوي دي.
همدارنګه، د نمونې اخیستنې په برخه کې په دولتي او غیر دولتي فابریکو کې له درملو او روغتیايي محصولاتو څخه له ۴ زرو څخه د ډېرو نمونو اخیستنه ترسره شوې، چې له دې جملې څخه ۶۸۰ نمونې په مرکز کې پروسس شوې دي.
دغه راز، د درملو او روغتیايي محصولاتو په برخه کې په مرکز کې له وارداتي شرکتونو او دولتي او غیر دولتي مؤسسو څخه په ټولیز ډول ۱۹۷۸ نمونې اخیستل شوې او د اړینو ارزونو لپاره یې اړوند پړاوونه بشپړ شوي دي.
